پاکستان تحریک انصاف کے چیئرمین عمران خان کی ضمانتیں منظور

پاکستان تحریک انصاف کے چیئرمین عمران خان کی انسداد دہشت گردی کی عدالت اور بینکنگ کورٹ میں ضمانتیں منظور کر لی گئیں۔الیکشن کمیشن کے باہر احتجاج کے کیس میں انسداد دہشت گردی کی عدالت نے عمران خان کی عبوری ضمانت منظور کر لی۔انسداد دہشت گردی کی عدالت کے جج راجہ جوادعباس حسن نے ضمانت منظور کی

چیئرمین پی ٹی آئی عمران خان اسلام آباد کے جوڈیشل کمپلیکس میں قائم انسداد دہشت گردی کی عدالت میں پیش ہوگئے جس کے بعد انہیں دوسرے کیس میں بینکنگ کورٹ کی خاتون جج رخشندہ شاہین کی کمرہ عدالت میں طلب کیا گیا۔جہاں ممنوعہ فنڈنگ کیس میں بھی بینکنگ کورٹ نے عمران خان کی ضمانت منظور کر لی۔بینکنگ کورٹ کی جج رخشندہ شاہین نے درخواست پر فیصلہ سنایا