ڈنمارک میں قرآن کریم اور ترک پرچم کی بے حرمتی،ترکیہ کی مذمت

انقرہ: ترک پارلیمانی سپیکر مصطفی شان توپ نے حال ہی میں ڈنمارک میں قرآن کریم اور ترک پرچم کی بے حرمتی کرنے کی مذمت کی ہے۔

ترک خبررساں ادارے کے مطابق انہوں نے سماجی رابطے کی ویب سائٹ ٹوئٹر پر ایک بیان میں ان واقعات کی مذمت کرتے ہوئے کہا ہے کہ ڈنمارک میں ترک سفارت خانے کے سامنے قرآن کریم اور ترک پرچم کی بے حرمتی کا واقعہ ناقابل قبول ہے اور اس کی اجازت دینے والوں کی مذمت کی جاتی ہے۔

میرا ڈینش حکام اور قانون کے عالمی اداروں سے مطالبہ ہے کہ وہ دین اسلام کے عقائد اور مسلمانوں کی تضحیک کرنے کے خلاف اپنی ذمے داریاں پوری کرے۔نائب صدر فواد اوکتائے نے بھی سوشل میڈیا پر کہا ہے ڈنمارک میں قرآن کریم اور ترک پرچم کی بے حرمتی کی اجازت دینے والے ڈینش حکام قابل مذمت ہیں۔

ترک امور دفاع نے بھی اپنے بیان میں ان واقعات کولغو اور گھٹیا قرار دیتے ہوئے ان کی مذمت کی ہے۔

سعودی عرب نے ڈنمارک میں اسلاموفوبک انتہا پسندوں کی جانب سے قرآن مجید کے نسخے کی بے حرمتی اور ترکیہ کے پرچم کو نذر آتش کرنے کی مذمت کی ہے۔