سری لنکا نے نیوزی لینڈ کو سنسنی خیز مقابلے میں شکست دیدی

آکلینڈ میں کھیلے گئے پہلے ٹی 20 میچ میں سری لنکا نے 5 وکٹوں جکے نقصان پر 196 رنز بنائے، میزبان ٹیم بھی 8 وکٹوں پر 196 رنز بناسکی۔

سری لنکا کی جانب سے کوشل مینڈس مینڈس نے 25 رنز بنائے، چرتھ اسالانگا نے 67 رنز کی اننگز کھیلی، کوشل پریرا نے بھی ناقابل شکست 53 رنز بنا کر ٹیم کا مجموعی پانچ وکٹوں کے نقصان پر پر 196 رنز تک پہنچانے میں اہم کردار ادا کیا۔

جواب میں نیوزی لینڈ کے اوپنرز تین رنز پر پویلین لوٹ گئے، ڈیرل مچل نے 66 اور ٹام لیتھم نے 27 رنز بنا کر ٹیم کو سنبھالا، چیمپ مین نے 33 اور راچن روندرا نے 26 رنز کی اننگز کھیلیں۔

میچ کی آخری گیند پر نیوزی لینڈ کو جب 7 رنز درکار تھے تو ایش سوڈھی نے چھکا لگا کر میچ ٹائی کردیا اور میچ سپر اوور میں چلا گیا۔

نیوزی لینڈ کی ٹیم نے سپر اوور میں پہلے بیٹنگ کی اور صرف 8 ہی رنز بناسکی، سری لنکا نے 9 رنز کا ہدف 3 گیندوں پر پورا کرکے سیریز میں ایک صفر کی کامیابی حاصل کرلی۔