امریکی ڈالر کی قدر 285 روپے کی سطح عبور کر گئی

ملک میں جاری غیر یقینی معاشی حالات کے اثرات ملکی کرنسی پر پڑنے لگے۔ امریکی ڈالر کی قیمت 285 روپے کی سطح عبور کر گئی۔

سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹر بینک میں روپے کے مقابلے میں امریکی ڈالر کی قدر میں ایک روپیہ 25 پیسے کی بڑھوتری دیکھی گئی۔

اعداد و شمار کے مطابق انٹربینک میں روپے کے مقابلے میں امریکی ڈالر کی قیمت283.79 روپے سے بڑھ کر 285.04 روپے کی سطح پر پہنچ گئی ہے۔