اسرائیلی پولیس نے آج طلوع آفتاب سے پہلے مسجد اقصیٰ کے احاطے میں درجنوں نمازیوں پر حملہ کر دیا۔عینی شاہدین کا کہنا ہے کہ اسرائیلی پولیس نے کہا کہ یہ فسادات کا جواب ہے ۔

غیر ملکی میڈیا رپورٹس کے مطابق اسرائیلی پولیس کے مسجد الاقصیٰ کے اندر داخلے پر فلسطینی شہری مشتعل ہو گئے ،سکیورٹی فورسز سے جھڑپیں ہوئی ہیں جن میں کئی فلسطینی زخمی ہو گئے ۔

دوسری جانب حماس نے مغربی کنارے میں فلسطینیوں سے مسجد اقصیٰ پہنچنے کی اپیل کی جس کے بعد فلسطینی خواتین اور بچوں سمیت شہریوں کی بڑی تعداد مسجد الاقصیٰ پہنچ گئی۔

Israeli police have attacked dozens of worshippers in Jerusalem’s Al-Aqsa Mosque compound injuring at least 7 people, according to witnesses.

?: https://t.co/PhqDJf9eFj pic.twitter.com/LJNnW2QtIy

— Al Jazeera English (@AJEnglish) April 5, 2023

اسرائیلی پولیس کا دعویٰ ہے کہ انہوں یہ اقدام ڈنڈوں اور پتھر اٹھائے مشتعل افراد کے کمپاؤنڈ میں داخل ہونے پر کیا۔اسرائیل نے غزہ سے کئی راکٹ فائر ہونے کا دعویٰ کرتے ہوئے کہا کہ اس کے کئی شہروں کو نشانہ بنایا گیا ہے۔

خبر ایجنسی کے مطابق ایک فلسطینی بزرگ خاتون نے بتایا کہ وہ قرآن شریف کی تلاوت کر رہی تھی اس دوران اسرائیلی پولیس اندر گھس آئی اورگرینیڈ پھینکے، ان میں سے ایک میرے سینے پر لگا، خاتون کو سانس لینے میں شدید دشواری پیش آ رہی تھی۔