امریکا اور کینیڈا کی مساجد میں 2 مختلف حملے

امریکا اور کینیڈا کی مساجد میں 2 مختلف حملوں میں ملوث ملزمان کو گرفتار کرلیا گیا۔امریکی ریاست نیوجری کی جامع مسجد عمر بن خطاب میں نماز کے دوران امام پر چاقو سے حملہ کیا گیا، حملے کے نتیجے امام مسجد زخمی ہوگئے۔امریکی میڈیا کے مطابق زخمی امام مسجد کی حالت خطرے سے باہر ہے جبکہ واقعہ فجر کی نماز کے دوران پیش آیا۔

حملے کے وقت مسجد میں 200 سے زائد نمازی موجود تھے، حملہ کرنے والے شخص کو گرفتار کرلیا گیا ہے تاہم امریکی پولیس نے حملہ آور کی شناخت تاحال ظاہر نہیں کی۔دوسری جانب کینیدا کے شہر مارکھم میں مسجد کے احاطے میں گاڑی سے نمازی کو کچلنے کی کوشش کی گئی۔

An imam is in stable condition after being stabbed during a morning prayer service at a mosque in Paterson, New Jersey, officials say. https://t.co/H8ODzyHzij

— CNN (@CNN) April 10, 2023

واقعہ مسجد کے احاطے میں پیش آیا۔کینیڈین پولیس نے 28 سالہ ملزم شیرن کیرونا کیرن کو ٹورنٹو سے گرفتار کرکے نفرت انگیز جرم کا الزام عائد کیا گیا ہے۔کینیڈا کی وفاقی اور صوبائی حکومت نے واقعے کی مذمت کرتے ہوئے ملزم کو کیفر کردار تک پہنچانے کی ہدایت کی ہے۔