وزیر اعظم نے وفاقی کابینہ کا خصوصی اجلاس آج طلب کر لیا

وزیر اعظم شہباز شریف نے وفاقی کابینہ کا خصوصی اجلاس آج طلب کر لیا۔وزیراعظم کی زیرصدارت وفاقی کابینہ کا اجلاس آج دوپہر ڈھائی بجے پارلیمنٹ ہاؤس میں ہوگا جس میں اہم قومی امور زیر بحث آئیں گے۔

وفاقی کابینہ کے اجلاس میں سپریم کورٹ میں زیر سماعت معاملات کا بھی جائزہ لیا جائے گا جبکہ حکومت کی قانونی ٹیم عدالتی امور پر بھی بریفنگ دے گی۔

دوسری جانب پنجاب میں انتخابات کے لئے فنڈز فراہمی کے معاملے پر قومی اسمبلی کی قائمہ کمیٹی برائے خزانہ کا خصوصی اجلاس بھی آج طلب کر لیا گیا۔

اجلاس میں اٹارنی جنرل، گورنر سٹیٹ بینک اور آڈیٹر جنرل کو شرکت کی خصوصی دعوت دی گئی ہے۔