سرکاری شعبہ کے ترقیاتی کاموں میں ایوی ایشن ڈویژن کے ترقیاتی منصوبوں کے لیے 5ارب 86 کروڑ روپے سے زائد کے فنڈز جاری

اسلام آباد: وزارت منصوبہ بندی ترقی واصلاحات وخصوصی اقدامات نے سرکاری شعبہ کے ترقیاتی کاموں میں ایوی ایشن ڈویژن کے ترقیاتی منصوبوں کے لیے 5ارب 86 کروڑ روپے سے زائد کے فنڈز جاری کر دئیے ہیں جس میں سے اب تک 3 ارب 97 کروڑ روپے کے خرچ کئے جاچکے ہیں۔

پلاننگ کمیشن کی طرف سے جاری کردہ اعدادوشمار کے مطابق حکومت نے رواں مالی سال کے دوران اس ڈویژن کے ترقیاتی منصوبوں کے 5ارب 90کروڑ روپے سے زائد کے فنڈز مختص کئے گئے ہیں ۔