تین پاکستانی کوہ پیماؤں نےدنیا کی دسویں بلند ترین چوٹی سر کر کے تاریخ رقم کر دی

تین پاکستانی کوہ پیماؤں ساجد علی سدپارہ، نائلہ کیانی اور شہروز کاشف نے نیپال میں دنیا کی دسویں بلند ترین چوٹی ماؤنٹ اناپرنا سر کر کے تاریخ رقم کی ہے۔

نائلہ کیانی اس چوٹی کو سرکرنے والی پہلی پاکستانی خاتون بن گئیں۔اسلام آباد،نائلہ کیانی پیرکی صبح 8,091 میٹربلند ماؤنٹ انا پورنا کےٹاپ پرپہنچیں۔6 رکنی کوہ پیماؤں کی ٹیم میں 2 پاکستانیوں کےساتھ بھارتی کوہ پیما بھی شامل تھے۔

نائلہ کیانی یہ پہاڑی سر کرنے والی پہلی پاکستانی خاتون ہیں، شہروز کاشف یہ پہاڑی سر کرنے کے بعد 11 بلند ترین چوٹیاں سر کرنے والے کم عمر ترین کوہ پیما بن چکے ہیں جبکہ دو روز قبل ساجد علی سدپارہ نے ماؤنٹ اناپرنا بغیر آکسیجن اور پورٹر کے سر کرنے والے دنیا کے کم عمر ترین کوہ پیما بنے تھے۔

کوہ پیمائی کی دنیا میں آٹھ ہزار میٹر سے بلند پہاڑوں کو کرنا ایک اعزاز سمجھا جاتا ہے جبکہ نائلہ کیانی آٹھ ہزار میٹر سے زیادہ بلند چار چوٹیوں کو سر کرنے والی پہلی پاکستانی خاتون بھی بن گئی ہیں۔

خیال رہے کہ ساجد علی سدپارہ دنیا کی تمام بلند ترین چوٹیوں کو سر کرنے کے اپنے والد علی سدپارہ کے خواب کی تکمیل میں مصروف ہیں، جو کے ٹو سر کرنے کی کوشش میں ہلاک ہوئے تھے۔