فی تولہ سونے کی قیمت میں اضافہ

عالمی مارکیٹ میں سونے کی قدر 26 امریکی ڈالر اضافے کے بعد 2000 امریکی ڈالر ہو گئی۔

ملک بھر میں ایک مرتبہ پھر فی تولہ سونے کی قیمت میں ایک ہزار روپے سے زائد کا بڑا اضافہ دیکھا گیا۔

تفصیلات کے مطابق بین الاقوامی مارکیٹ میں فی اونس سونے کی قدر میں 26 امریکی ڈالر کا اضافہ دیکھا گیا اور نئی قیمت 2000 امریکی ڈالر ہو گئی ہے۔

عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی سمیت دیگر جگہوں پر فی تولہ سونے کی قیمت میں 1350 روپے کی بڑھوتری دیکھی گئی اور نئی قیمت 2 لاکھ 18 ہزار 200 روپے ہو گئی ہے۔

فی تولہ سونے کی طرح دس گرام سونے کی قدر 1157 روپے کے اضافے کے بعد 187071 روپے ہو گئی ہے۔

سونے کی قیمتیں بڑھنے کے برعکس چاندی کی فی تولہ اور دس گرام قیمتوں میں استحکام دیکھا گیا اور قدریں بالترتیب 2530 روپے اور 2170 روپے پر برقرار ہیں۔