کورونا وائرس کے پھیلاؤ میں شدت، 137 افرادجاں بحق ، 5ہزار 445 متاثر

تفصیلات کے مطابق ملک  میں کورونا وائرس کی تیسری لہر جاری ہے اور یومیہ کیسز اور اموات میں اضافہ دیکھا جارہا ہے ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید137افراد چل بسے ۔ ملک میں  اموات کی مجموعی تعداد 16 ہزار453ہوگئی ہے،جبکہ  متاثرہ افراد کی مجموعی تعداد 7 لاکھ 66ہزار 882ہو گئی ہے ۔ گزشتہ روز مثبت کیسز کی شرح 8 فیصد رہی۔

پنجاب

پنجاب میں کورونا مریضوں کی تعداد 2لاکھ73ہزار 466ہوگئی ۔ جبکہ صوبے میں اب تک 7ہزار 561افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  2 لاکھ 73ہزار 466ہو گئی جبکہ صوبے میں اب تک 4 ہزار 566 افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 7ہزار309ہوچکی ہے ۔ صوبے میں 2920افراد چل بسے۔

بلوچستان

بلوچستان میں کورونا وائرس کے اب تک 21ہزارکیسز رپورٹ ہوئے ہیں جبکہ صوبے میں225مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد70 ہزار609جبکہ اموات کی تعداد645تک جاپہنچی ۔

گلگت بلتستان

گلگت بلتستان میں اب تک 5 ہزار 191افراد کورونا کا شکار ہوئے ہیں جبکہ 104افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد 15 ہزار741ہوچکی ہے جبکہ 442افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں  4286افرادکوروناوائرس کوشکست دےچکے ہیں۔ ملک بھر میں اب تک 7لاکھ 66 ہزار882مریض کورونا کو شکست دے چکے ہیں ۔   این سی اوسی   کے مطابق ملک میں   گزشتہ روز 68 ہزار 002 ٹیسٹ کیے گئے۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔