مسجدالحرام : حج وعمرہ زائرین کی رہنمائی کیلئے پہلی خاتون سیکیورٹی اہلکار تعینات

تفصیلات کے مطابق سعودی وزارتِ داخلہ  کی جانب سےتصدیق شدہ ٹوئٹراکاؤنٹ پر حج و عمرے کیلئے آئے زائرین کی حفاظت کے پیشِ نظر نگرانی کیلئے  ڈیوٹی پر مامور خاتون اہلکار کی تصویر شیئر کی گئی ہے  ۔ان تصاویر میں دیکھا جاسکتا ہے کہ خاتون سیکیورٹی آفیسر طواف کے دوران کورونا سے بچاؤ کے ایس او پیز کو فالو کرتے ہوئے طواف کو منظم کروانے کیلئے مستعد کھڑی ہے ۔خواتین اہلکار خواتین عمرہ زائرین کی رہنمائی اور دیگر سہولیات کی فراہمی  میں معاون ومددگار ثابت ہوں گی ۔

#من_الميدان ، "أمن الحج والعمرة”@security_gov pic.twitter.com/5j93CKcmzl

— وزارة الداخلية (@MOISaudiArabia) April 19, 2021

مسجد الحرام میں سیکیورٹی پر مامور خاتون اہلکار کی تصاویر سوشل میڈیا پر تیزی سے  نہ صرف وائرل ہورہی ہے  بلکہ  صارفین نے عمرہ زائرین کی سلامتی اور مسجد الحرام کے تحفظ کے انتظامات میں خواتین کی شرکت پر پسندیدگی کا اظہار کیا ہے۔

خیال رہے کہ اس سے قبل بھی  خواتین سیکورٹی اہلکاروں کو مساجد کے انتظامی اور تکنیکی محکموں میں بھی تعینات کیا جاچکا ہے۔