پاکستان سٹا ک مارکیٹ میں سرمایہ کاروں کے 80 ارب روپے ڈوب گئے

مارکیٹ میں کاروبار کا آغاز مثبت انداز میں ہوا، صبح دس بجے کے قریب انڈیکس میں 100 سے زائد پوائنٹس کی تیزی ریکارڈ کی گئی۔

کاروبار کے اختتام پر 100 انڈیکس میں 412.49 پوائنٹس کی مندی ریکارڈ کی گئی، گراوٹ کے باعث 42 ہزار کی نفسیاتی حد بھی گر گئی اور انڈیکس 41829.49 پوائنٹس کی سطح پر پہنچ کر بند ہوا۔

پورے کاروباری روز کے دوران کاروبار میں 6 کروڑ 87 لاکھ 53 ہزار 925 شیئرز کا لین دین ہوا، بدترین مندی کے باعث سرمایہ کاروں کو 80 ارب روپے سے زائد کا نقصان برداشت کرنا پڑ گیا۔