کورونا مریضوں کا لوگوں کیساتھ میل جول حرام ہے: سعودی مفتی اعظم

تفصیلات کے مطابق سعودی عرب کے مفتی اعظم اور علما کونسل کے چیئرمین الشیخ عبدالعزیز بن عبداللہ آل الشیخ  نے اپنے ایک بیان میں کہا کہ کورونا وائرس  میں مبتلا افراد دوسرے لوگوں کے ساتھ میل جول  سے گریز کریں۔جو افراد کورونا کے مرض میں مبتلا ہو گئے ہوں انکا دوسرے افراد کے ساتھ میل جول رکھنا حرام  ہے۔

 مفتی اعظم سعودی عرب نے انسانی صحت کے تحفظ کیلئےاسلام کی تعلیمات اور ہدایات پر روشنی ڈالتے ہوئے کہا  کہ صحت عظیم نعمتوں میں سے ایک ہے لہذا  انسان کو اس کی قدر کرنی چاہیے ۔  ان کاکہنا تھا کہ ہر انسان کوصحت  کی عظمت کا ادراک ہونا چاہیے۔اس لیے وبا کے دنوں میں لوگوں کو چاہیے کہ وہ بیماری پھیلنے سے بچنے،  خود کو بھی بچانے اور دوسروں کو بھی اس سے محفوظ رکھنے کی کوشش کرے۔

مفتی اعظم نے مزید کہا کہ  اسلام وبا کے شکار افراد سے صحت مند افراد کی جانوں کے تحفظ پر زور دیتا ہے،  اس لیے شہریوں کو چاہیے کہ وہ اسلام کی تعلیمات پر عمل کرتے ہوئے اپنی اور دوسروں کی صحت کی حفاظت کریں۔انہوں نے شہریوں اورغیر ملکیوں پر زور دیا ہے کہ وہ وبا کی روک تھام کے لیے حکومت اور سرکاری اداروں کی طرف سے وضع کردہ شرائط و ضوابط پر سختی کے ساتھ عمل کریں۔

واضح رہے کہ عالمی وبا کورونا وائرس کے سبب دنیا میں 14 کروڑ53لاکھ22ہزار سےزائد افراد متاثر اور 30 لاکھ 84 ہزار 995افراد ہلاک ہو چکے ہیں۔