ہفتہ وار مہنگائی کے اعدادوشمار جاری ، 12 اشیائے خورد و نوش مزید مہنگی

تفصیلات کے مطابق  ادارہ شماریات کی جانب سے  جاری کی گئی ہفتہ وار رپورٹ میں  12 اشیاء کی قیمتوں میں اضافہ دیکھا گیا جبکہ رواں ہفتے13اشیاء کی قیمتوں میں کمی 26اشیاء کی قیمتوں میں استحکام رہا۔

ادارہ شماریات کے مطابق ایک ہفتے میں 20 کلو آٹے کا تھیلا 68 روپے مہنگا ہو گیا، آٹے کا 20کلو تھیلے کی قیمت68 روپے مہنگا ہونے کے بعد 1056 روپے کی سطح پر پہنچ گئی، مٹن کی فی کلو قیمت میں 15 روپے کا اضافہ،فی کلو مٹن کی قیمت 1045 روپے کی ریکارڈ سطح پر پہنچ گئ،بیف 4 روپے آلو  89 پیسے فی کلو مہنگے ہوئے۔

ایک ہفتے میں تازہ دودھ،چاول خشک دودھ مہنگا ہوا، جبکہ ٹماٹر فی کلو 16 روپے تک سستے ہو گئے،فی درجن انڈے 10 روپے تک سستے ہو گئے،مرغی کا گوشت،ایل پی جی ،دال ماش ،دال مونگ کی قیمتوں میں کمی رونما ہوئی  جبکہ چینی 97 روپے فی کلو سے کم ہو کر 94.50 روپے کی ہو گئی۔