اسٹیٹ بینک نے مانیٹری پالیسی کا اعلان کر دیا

اسٹیٹ بینک نے اگلے دو ماہ کے لیے مانیٹری پالیسی کا اعلان کر دیا۔ مرکزی بینک کی جانب سے جاری اعلامیے میں کہا گیا ہے کہ مانیٹری پالیسی کمیٹی نے شرح سود بڑھانے کے اثرات کا جائزہ لینے کے بعد اگلے دو ماہ کے لیے شرح سود 21 فیصد پر  برقرار  رکھنے کا فیصلہ کیا۔

اسٹیٹ بینک کے جاری اعلامیے میں کہا گیا ہے کہ اپریل اور مئی 2023 میں مہنگائی توقعات کے مطابق اپنے عروج پر رہی، کمیٹی سمجھتی ہے کہ مئی کی 38 فیصد مہنگائی کی شرح بلند ترین تھی، مزید یہ کہ کمیٹی توقع کرتی ہے کہ ملکی طلب کم رہے گی جس کا سبب سخت مانیٹری پالیسی، ملکی غیر یقینی کی صورتحال اور بیرونی کھاتوں پر مسلسل دباؤ ہے۔

1/3 At its meeting today, Monetary Policy Committee (MPC) of #SBP decided to maintain the policy rate at 21%.https://t.co/mjQgHmMd3B#SBPMonetaryPolicy pic.twitter.com/4GX5J8AahI

— SBP (@StateBank_Pak) June 12, 2023

اعلامیے میں کہا گیا ہے مالی سال 2023 میں قومی پیداوار خاطر خواہ کم ہوئی ہے، جاری کھاتوں کا توازن مارچ اپریل میں مثبت رہا جس کے باعث زرمبادلہ پر دباؤ کم ہوا ہے، آئندہ مالی سال کا بجٹ معمولی سکڑاؤ کی نشاندہی کر رہا ہے، عالمی بازار میں اجناس کی قیمتوں میں کمی کا رجحان برقرار رہے گا۔

3/3 MPC also took stock of cumulative impact of substantial monetary tightening so far and noted that maintaining the current stance – barring any unexpected domestic & external shocks – is appropriate to bring down inflation towards medium term target of 5-7% by the end of FY25.

— SBP (@StateBank_Pak) June 12, 2023

مانیٹری پالیسی کمیٹی کی جانب سے توقع ظاہر کی گئی ہے کہ جون سے مہنگائی کم ہونا شروع ہو جائے گی،  اگر کوئی نادید ہ حالات پیش نہ آئے تو توقع ہے کہ جون اور اس کے بعد مہنگائی میں کمی آنا شروع ہو گی