بنگلہ دیش اور افغانستان کے درمیان واحد ٹیسٹ میچ کل سے شروع ہو گا

ڈھاکہ: بنگلہ دیش اور افغانستان کی کرکٹ ٹیموں کے درمیان واحد ٹیسٹ میچ کل بدھ سے شیر بنگلہ نیشنل سٹیڈیم ڈھاکہ میں شروع ہوگا۔ افغانستان کی ٹیم ان دونوں بنگلہ دیش کے دورہ پر ہے اور مہمان ٹیم اپنے دورہ بنگلہ دیش کے دوران میزبان ٹیم کے خلاف واحد ٹیسٹ کے علاوہ 3ون ڈے اور 2ٹی ٹونٹی میچز بھی کھیلے گی۔

بنگلہ دیشی ٹیم کی ٹیسٹ میچ میں قیادت لٹن داس کریں گے جبکہ افغانستان کی ٹیم کو حشمت اللہ شہیدی لیڈ کریں گے، واحد ٹیسٹ میچ کے بعد دونوں ٹیموں کے درمیان تین ون ڈے میچز کی سیریز کے میچز بالترتیب5،8اور 11 جولائی کو کھیلے جائیں گے۔

ون ڈے سیریز کے تینوں میچز ظہور احمد چوہدری سٹیڈیم، چٹوگرام میں کھیلے جائیں گے،اس کے بعد2 ٹی ٹونٹی میچوں کی سیریز کے میچز بالترتیب 14اور 16جولائی کو کھیلے جائیں گے۔ ٹی ٹونٹی سیریز کے دونوں میچز سلہٹ ڈسٹرکٹ سٹیڈیم میں کھیلے جائیں گے۔