شاہ محمود قریشی کی دو مقدمات میں عبوری ضمانت منظور

اسلام آباد کی مقامی عدالتوں نے پی ٹی آئی رہنما شاہ محمود قریشی کے خلاف نو مئی کی ہنگامہ آرائی کے دو مقدمات میں عبوری ضمانت منظور کر لی۔

ایڈیشنل سیشن جج طاہر عباس سپرا نے تھانہ ترنول میں درج مقدمے میں شاہ محمود قریشی کو انیس جون تک ضمانت دی۔ جبکہ ایڈیشنل سیشن جج سید ہارون احمد نے تھانہ کھنہ میں درج مقدمے میں چار جولائی تک ضمانت منظور کی۔

دونوں عدالتوں نے ملزم کو دس ہزار روپے کے مچلکے جمع کرانے کی ہدایت کی۔ شاہ محمود قریشی اپنے وکیل علی بخاری کے ہمراہ عدالتوں میں پیش ہوئے۔