سابق گورنر پنجاب اور رہنما پیپلز پارٹی لطیف کھوسہ کے گھر پر نامعلوم افراد کی فائرنگ

سابق گورنر پنجاب اور رہنما پیپلز پارٹی لطیف کھوسہ کے گھر پر نامعلوم افراد کی جانب سے فائرنگ کی گئی۔ سینئر وکیل اعتزاز احسن واقعہ کے بعد لطیف کھوسہ کے گھر پہنچ گئے اور تحقیقات کا مطالبہ بھی کیا۔

آئی جی پنجاب عثمان انورنے واقعہ کا نوٹس لیتے ہوئے سی سی پی او لاہور سے رپورٹ طلب کر لی۔ آئی جی نے ہدایت کی کہ مکمل تحقیقات کے بعد ملزمان کو فوری گرفتار کیا جائے۔

لطیف کھوسہ کے مطابق نامعلوم افراد ان کے گھر پر فائرنگ کرکے فرار ہوگئے جس سے ان کا ڈرائیور جاوید مزمل ٹانگ پر گولی لگنے سے زخمی ہوا ہے۔ ملزمان نے پستول پاور کلاشنکوف سے گیٹ پر 7 فائر کئے

پی پی رہنما کا کہنا ہے کہ گیٹ اور گاڑی پرفائرنگ کے نشانات موجود ہیں، پولیس نے گولیوں کے خول اپنے قبضےمیں لے لیے ہیں۔اس طرح کے حربو سے ہمیں دیائا نہیں جا سکتا۔

فائرنگ کی اطلاع ملنے پر پولیس کی بھاری نفری موقع پر موجود ہے اور واقعے کی تفتیش کا عمل جاری ہے