لاہور: کلمہ چوک انڈر پاس حادثے میں دو افراد جاں بحق

لاہور: کلمہ چوک انڈر پاس کے قریب خوفناک ٹریفک حادثے میں 2 افراد جاں بحق جب کہ ایک زخمی ہوگیا۔

پولیس کے مطابق موٹر سائیکل پر سوار تین افراد کلمہ چوک انڈر پاس کے ستون سے ٹکرا گئے۔ جس کے نتیجے میں دو افراد موقع پر ہی جاں بحق جبکہ ایک شدید زخمی ہو گیا۔

اطلاع ملتے ہی پولیس اور ریسکیو ٹیمیں موقع پر پہنچ گئیں۔

ریسکیو ٹیم نے جاں بحق افراد کی لاشوں کو مردہ خانے منتقل کر دیا جب کہ زخمی شخص کو فوری طبی امداد کے لیے جناح اسپتال منتقل کر دیا گیا۔

حادثے کی وجوہات جاننے کے لیے پولیس کی جانب سے تفتیش جاری ہے۔