وزیرخزانہ اسحاق ڈار سے پاکستان میں امریکہ کے سفیر ڈونلڈ بلوم کی ملاقات

وزیرخزانہ اسحاق ڈار سے پاکستان میں امریکہ کے سفیر ڈونلڈ بلوم کی ملاقات کی، جس میں ملکی معاشی صورت حال پر تبادلہ خیال کیا گیا ہے۔

ملاقات کے دوران معیشت اور آئی ایم ایف پروگرام سے متعلق امور پر تبادلہ خیال کیا گیا۔ وزیر خزانہ نے امریکی سفیر کو آئی ایم ایف سے بات چیت کی پیش رفت سے آگاہ کیا۔ اسحاق ڈار کا کہنا تھا کہ موجودہ حکومت آئی ایم ایف پروگرام کی تکمیل کیلئے پُرعزم ہے، اسحاق ڈار نے حکومت کی معاشی ترجیحات اور بجٹ اقدامات سے بھی آگاہ کیا۔

وزیر خزانہ نے امریکی سفیر کو معاشی اصلاحات سے آگاہ کرتے ہوئے آئی ایم ایف سے ڈیڈ لاک ختم کروانے میں کردارادا کرنے کی درخواست کردی۔ جس پر امریکی سفیر نے وزیرخزانہ کو آئی ایم ایف سے معاہدہ کیلئے تعاون کی یقین دہانی کرائی۔ امریکی سفیر نے اقتصادی تعلقات اور سرمایہ کاری کے فروغ میں تعاون کا یقین دلایا۔

خیال رہے کہ گذشتہ روز وزیرخزانہ اسحاق ڈار کی برطانیہ کے وزیرمملکت برائے خارجہ سے ورچوئل میٹنگ ٓہوئی تھی ، جس میں اسحاق ڈار نے اینڈریو مچل کو9 ویں جائزے متعلق آئی ایم ایف مذاکرات پرپیشرفت سے آگاہ کیا تھا