عدالت نے چوہدری پرویز الہٰی کو جوڈیشل ریمانڈ پر جیل بھیج دیا

ضلع کچہری لاہور نے ایف آئی اے منی لانڈرنگ کے مقدمے میں سابق وزیراعلیٰ پنجاب چوہدری پرویز الہٰی کو جوڈیشل ریمانڈ پر جیل بھیج دیا۔

ایف آئی اے نے آج صبح سابق وزیر اعلیٰ پنجاب پرویز الہٰی کو منی لانڈرنگ مقدمے میں گرفتار کیا تھا جس کے بعد ایف آئی اے کی ٹیم نے پرویز الہٰی کو ضلع کچہری پیش کیا۔ ایف آئی اے حکام نے پرویز الہٰی کے جسمانی ریمانڈ کی استدعا کی تھی،عدالت نے ایف آئی کے استدعا مسترد کرتے ہوئے سابق وزیر اعلیٰ کو 14 روز کے جوڈیشل ریمانڈ پر جیل بھیج دیا۔ 

جوڈیشل مجسٹریٹ غلام مرتضیٰ ورک نے محفوظ فیصلہ سنایا۔عدالی فیصلے کے بعد چوہدری پرویز الہٰی کو بکتر بند گاڑی سے ضلع کچہری سے روانہ کیا گیا۔