پہلے ٹیسٹ میچ میں شکست کے باوجود ان کی ٹیم حوصلے پست نہیں ہوئے،جو روٹ

انگلینڈ کرکٹ ٹیم کےمایہ ناز مڈل آرڈر بلے باز جو روٹ نے کہا ہے کہ مہمان کینگروز کے ہاتھوں پہلے ٹیسٹ میچ میں شکست کے باوجود ان کی ٹیم حوصلے پست نہیں ہوئے دوسرے ٹیسٹ میں کامیابی حاصل کر کے سیریز 1-1 سے برابر کریں گے ۔

انہوں نے کہا کہ آسٹریلین ٹیم کے خلاف ایشز سیریز کے دوسرے میچ کے لئے ان کی ٹیم نے بھرپور تیاری کر رہی ہے۔ انہوں نے کہا کہ بلاشبہ مہمان آسٹریلوی ٹیم کو شکست دینا آسان نہیں ہے لیکن ناممکن بھی نہیں ہے۔ انہوں نے کہا کہ ان کی ٹیم میں ایسے کھلاڑی موجود ہیں جو کسی بھی وقت میچ کا پانسہ پلٹنے کی صلاحیت رکھتے ہیں۔

اپنے ایک بیان میں انہوں نے کہا کہ وہ کینگروز کے خلاف دوسرے ٹیسٹ میچ میں بھی شاندار کارکردگی کا مظاہرہ کرتے ہوئے اپنی ٹیم کی فتح میں اہم کردار ادا کریں گے۔ 32 سالہ جو روٹ نے کہا کہ وہ کینگروز کے خلاف پہلے ٹیسٹ میچ میں اپنی کارکردگی سے مطمئن ہیں۔انہوں نے کہا کہ وہ مکمل طور پر فٹ اور فارم میں ہیں اور مہمان ٹیم کے خلاف پانچ میچوں کی ایشز سیریز کے دوسرے میچ میں شرکت کے لئے بے تاب ہیں۔

مایہ ناز مڈل آرڈر بلے باز نے ایک سوال کے جواب میں کہا کہ ان کی ٹیم متحد ہے اور آسٹریلین ٹیم کے خلاف دوسرے ٹیسٹ میچ میں پوری قوت کے ساتھ میدان میں اترے گی اور میچ جیت کر سیریز میں جاندار کم بیک کرے گی۔

انہوں نے اپنی ٹیم کو خبردار کرتے ہوئے کہا کہ کینگروز کے خلاف سیریز برابر کرنے کے لئے تینوں شعبوں میں سو فیصد کارکردگی کا مظاہرہ کرنا ہوگا۔واضح رہے کہ انگلینڈ اور آسٹریلیا کی ٹیموں کے درمیان دوسرا ٹیسٹ میچ 28 جون سے لارڈز ، لندن میں شروع ہوگ