انٹربینک میں ڈالر پھر گرنا شروع ہوگیا

کراچی: انٹربینک میں پاکستانی روپے کے مقابلے ڈالر ایک بار پھر گرنا شروع ہوگیا ہے کیونکہ آج (جمعرات) ابتدائی تجارت میں غیر ملکی کرنسی 0.91 روپے سستی ہوگئی ہے۔

انٹربینک میں ڈالر 0.91 روپے کی کمی کے بعد 276.50 روپے پر آ گیا ہے۔

اس سے قبل گزشتہ روز (بدھ) کو انٹربینک مارکیٹ میں ڈالر 1.97 روپے مہنگا ہونے کے بعد 277.41 روپے پر بند ہوا تھا۔

خیال رہے کہ پاکستان اور انٹرنیشنل مانیٹری فنڈ (آئی ایم ایف) کے درمیان اسٹینڈ بائی معاہدے کے بعد ایک روز قبل انٹربینک میں ڈالر کی قدر 10.55 روپے سستی دیکھی گئی تھی۔