اٹلی کے ساتھ پاکستان کے فاضل تجارت کے حجم میں گزشتہ مالی سال کے دوران نمایاں اضافہ

اسلام آباد: اٹلی کے ساتھ پاکستان کے فاضل تجارت کے حجم میں گزشتہ مالی سال کے دوران نمایاں اضافہ ریکارڈ کیا گیا ہے، مالی سال 2023 کے پہلے 11 ماہ میں اٹلی کو پاکستان کی برآمدات میں سالانہ بنیادوں پر 9 فیصد اضافہ جبکہ درآمدات میں 44 فیصد کی کمی ریکارڈ کی گئی ہے۔

سٹیٹ بینک کی جانب سے اس حوالہ سے فراہم کردہ اعدادوشمارکے مطابق گزشتہ مالی سال کے پہلے 11ماہ میں اٹلی کو پاکستانی برآمدات کاحجم 1.052ارب ڈالرریکارڈکیاگیا جومالی سال 2022 کی اسی مدت کے مقابلہ میں 9 فیصد زیادہ ہے،

مالی سال 2022کے پہلے 11ماہ میں اٹلی کوبرآمدات سے ملک کو966.18 ملین ڈالر کا زرمبادلہ حاصل ہوا تھا۔ مئی 2023 میں اٹلی کو پاکستانی برآمدات کا حجم 101.40ملین ڈالرریکارڈکیاگیا جواپریل میں 98.49 ملین ڈالر اورگزشتہ سال مئی میں 108.96 ملین ڈالرتھا، مالی سال 2022میں اٹلی کوبرآمدات سے ملک کو 1.087 ارب ڈالرکازرمبادلہ حاصل ہواتھا۔

اعدادوشمارکے مطابق گزشتہ مالی سال کے پہلے 11ماہ میں اٹلی سے درآمدات کاحجم 494.80ملین ڈالرریکارڈکیاگیا جومالی سال 2022کی اسی مدت کے مقابلہ میں 44فیصدکم ہے، مالی سال 2022کے پہلے 11ماہ میں اٹلی سے درآمدات پر712.49 ملین ڈالرکازرمبادلہ صرف ہواتھا۔مئی 2023میں اٹلی سے 77.87ملین ڈالرکی درآمدات ہوئیں جو اپریل میں 50.21ملین ڈالر اورگزشتہ سال مئی میں 45.53ملین ڈالرتھی، مالی سال 2022میں اٹلی سے درآمدات کاحجم 740.43ملین ڈالرریکارڈکیاگیاتھا۔