سلوانین سائیکل سوار تڈیج پوگاآر نے ٹور ڈی فرانس سائیکل ریس کا چھٹامرحلہ اپنے نام کرلیا

پیرس: سلوانین سائیکل سوار تڈیج پوگاآر نے ٹور ڈی فرانس سائیکل ریس کا چھٹا مرحلہ بھی جیت لیا۔ ریس میں سوار تڈیج پوگاآر کی یہ پہلی فتح ہے۔

سپین سے ٹورڈی فرانس سائیکل ریس کے 110 ویں ایڈیشن جاری ہے، جس میں دنیا بھر کی سائیکلنگ کی 22 ٹیموں کے نامور سائیکل سوار ٹائٹل کے حصول کے لئے کوشاں ہیں۔ ٹور ڈی فرانس سائیکل ریس کے چھٹے مرحلے میں سائیکل سواروں نے فرانس میں ٹاربس سے کیوٹریٹس تک کا 145 کلو میٹر فاصلہ طے کرنا تھا جو پہاڑی راستے پر محیط تھا۔24 سالہ سلوانین سائیکلسٹ تڈیج پوگاآر نے عمدہ سائیکلنگ کا مظاہرہ کرتے ہوئے ڈینش سائیکلسٹ جوناس ونجیگارڈکو شکست دیتے ہوئے پہلی پوزیشن حاصل کی۔

تڈیج پوگاآر نے چھٹے مرحلے کا 145 کلومیٹر پر مشتمل مطلوبہ فاصلہ 3 گھنٹے 54منٹ اور 27 سیکنڈز میں طے کرکے اپنے نام کیا۔ ڈینش سائیکلسٹ جوناس ونجیگارڈ نے دوسری جبکہ نارویجن سائیکل سوار ٹوبیاس جوہانسن نے تیسری پوزیشن حاصل کی۔چھٹے میں دوسری پوزیشن ہونے کے باوجود ڈینش سائیکلسٹ جوناس ونجیگارڈ آسٹریلین سائیکل سوار جے ہینڈلے سے یلو جرسی بھی حاصل کر لی ۔

ٹور ڈی فرانس سائیکل ریس 21 مرحلوں پر محیط ہوگی جس میں سائیکل سوار 3406 کلو میٹر کا سفر طے کریں گے ۔ 24 روزہ ٹور ڈی فرانس سائیکل ریس23 جولائی کو اختتام پذیر ہوگی۔ ٹور ڈی فرانس سائیکل ریس میں ٹیم جمبو ویزما کے ڈینش سائیکل سوار جوناس ونجیگارڈ راسموسن اپنے اعزاز کا دفاع کے لئے کوشاں ہیں ۔ ٹور ڈی فرانس سائیکل ریس کا پہلا ایڈیشن1903میں ہوا ،جو فرانسیسی سائیکل سوار مورس فرانسس گارین نے جیتا تھا۔\