دو، چار دن کی بارش نے انتظامیہ کی پول کھول دی

لاہور: شہر کی مصروف ترین شاہراہ پیکو روڈ پر بارشوں کے باعث ناقص طرز کی بنی سڑک نے لاہور شہر کی انتظامیہ کا پول کھول دیا۔

تفصیلات کے مطابق پیکو روڈ نالے کے قریب سڑک غیر معیاری ہونے کے باعث شگاف پڑ گیا، جسے مقامی شہریوں نے اپنی مدد آپ کے تحت شگاف کے کناروں کو اینٹ پتھر رکھ کر ٹریفک کی روانگی کو برقرار رکھا، تاکہ کسی بھی قسم کے حادثہ سے بچا جاسکے۔

اب تک کسی جانی یا مالی نقصان کی خبر موصول نہیں ہوئی۔

بعد ازاں واسا انتظامیہ نے شگاف کے سامنے ٹرک کھڑا کردیا ہے، شگاف بھرنے کا یا سڑک کی مرمت بارے تاحال کسی کام کا آغاز نہیں کیا گیا۔