نیپرا نے بجلی کے نرخوں میں 1 روپے 24 پیسے فی یونٹ اضافے کی منظوری دیدی

اسلام آباد: نیشنل الیکٹرک پاور ریگولیٹری اتھارٹی (نیپرا) نے بین الاقوامی مالیاتی فنڈ (آئی ایم ایف) کی شرائط پوری کرتے ہوئے پیر کو بجلی کی قیمتوں میں ایک روپے 24 پیسے فی یونٹ کا دوبارہ اضافہ کردیا۔

تفصیلات کے مطابق توانائی کی شرح میں اضافہ سہ ماہی فیول ایڈجسٹمنٹ چارجز کی مد میں کیا گیا ہے جس کا اطلاق ماہ جولائی، اگست اور ستمبر کے بلوں پر ہوگا۔

ٹیرف میں اضافے سے صارفین کو 46.76 ارب روپے کا نقصان ہوگا۔

لاگو ہونے کے بعد فی یونٹ کا کم از کم ریٹ 24 روپے سے بڑھ کر 25 روپے ہو جائے گا جبکہ زیادہ سے زیادہ 40 روپے سے بڑھ کر 42 روپے ہو جائے گا۔

اس سے قبل 5 جولائی کو بجلی کے نرخوں میں 1 روپے 90 پیسے فی یونٹ اضافہ کیا گیا تھا۔ جبکہ 4 جولائی کو بجلی کی قیمت میں 1.25 روپے کا اضافہ کیا گیا۔