نیب لاہور کا سابق وزیر اعلیٰ پنجاب عثمان بزدار کو گرفتار کرنے کا فیصلہ

نیب تحقیقات میں اہم پیشرفت ، نیب لاہور نے سابق وزیر اعلیٰ پنجاب عثمان بزدار کی گرفتاری کا فیصلہ کرلیا ہے،ٹیم نے چیئرمین نیب سے وارنٹ گرفتاری جاری کرنے کی استدعا کر دی ہے۔

نیب نے عثمان بزدار کو طلب کی تھا لیکن وہ پیش نہیں ہوئے جس پر نیب نے فیصلہ کیا کہ ان کے وارنٹ جاری کرکے گرفتار کیا جائے، نئے آرڈیننس کے تحت عثمان بزدار کو دوران انکوائری بھی گرفتار کیا جا سکتا یے۔

نیب ذرائع کا کہنا ہے کہ عثمان بزدار پر نئے آرڈیننس کا اطلاق کیا جائے گا، عثمان بزدار طلبی کے باوجود 14ویں مرتبہ نیب لاہور پیش نہیں ہوئے۔

عثمان بزدار کے وکیل نے استدعا کی تھی کہ عثمان بزدار نیب لاہور پیش نہیں ہو سکتے، جسے نیب نے مسترد کردیا۔ نیب نے عثمان بزدار کے وکیل سے جواب وصول کرنے سے بھی انکار کردیا۔

نیب ذرائع کے مطابق عثمان بزدار کے خلاف آمدن سے زائد اثاثہ جات، تقرر و تبادلے، ٹھیکوں میں بے ضابطگی تحقیقات چل رہی ہیں، عثمان بزدار سمیت خاندان پر 9 ارب سے زائد اثاثہ جات بنانے کا کیس زیر تفتیش ہے، عثمان بزدار کے خلاف گندم برآمد کیس بھی زیر تحقیقات کی جا رہی ہیں۔