تحریک انصاف پر پابندی لگانے کی عون چوہدری کی درخواست اعتراض کے ساتھ واپس

سپریم کورٹ کے رجسٹرار آفس نے تحریک انصاف پر پابندی کےلئے استحکام پاکستان پارٹی کے رہنما عون چوہدری کی درخواست اعتراض لگا کر واپس کر دی۔

رجسٹرار آفس کی طرف سے اعتراض عائد کیا گیا کہ درخواست میں آرٹیکل 184 تھری کے تقاضے پورے نہیں کئے گئے اور ساتھ ہی درخواست میں یہ بھی واضع نہیں کہ پاکستان تحریک انصاف پر پابندی مفاد عامہ کا معاملہ کیسے ہے۔

رجسٹرار آفس نے اعتراض  کیا کہ آرٹیکل 248 کے تحت وزیراعظم اور وزیردفاع کو فریق نہیں بنایا جاسکتا۔

خیال رہے کہ عون چوہدری نے پٹیشن میں ریاست اور ملکی اداروں کے خلاف سرگرمیوں پر پی ٹی آئی پرپابندی کی استدعا کی تھی