مینگورہ میں لینڈ سلائیڈنگ نے دو بچوں کی جان لے لی

سوات: سوات میں مینگورہ شہر کے نواحی علاقے وٹکے گل آباد میں مٹی کا تودہ گرنے سے دو بچے جاں بحق اور دو زخمی ہوگئے۔

سوات ریسکیو 1122 کی ترجمان شفیقہ گل نے بتایا کہ ریسکیو 1122 کی ٹیم نے مٹی کے تودے کے نیچے دبے چاروں نوجوانوں کو نکالنے کے لیے سخت محنت کی اور انہیں سوات کے سیدو ٹیچنگ ہسپتال منتقل کر دیا گیا ہے۔

ریسکیو 1122 سوات کے نمائندے کے مطابق، نوجوان اپنی "زیر تعمیر سائٹ" کے قریب کھیل رہے تھے جب لینڈ سلائیڈنگ ہونے پر زندہ دب گئے، ہسپتال لے جانے کے دوران بچے زندہ تھے اور ان میں سے دو زخموں کی تاب نہ لاتے ہوئے چل بسے۔

جاں بحق اور زخمی بچوں کی عمریں 3 سے 7 سال کے درمیان ہیں اور وہ ایک دوسرے کے رشتہ دار تھے۔

لینڈ سلائیڈنگ کے بعد مقامی لوگوں، پولیس، ریسکیو اور دیگر اداروں نے اپنا ریسکیو آپریشن شروع کیا، پولیس کے مطابق ریسکیو آپریشن ختم کرکے تمام بچوں کو بچا لیا گیا جن میں سے دو جاں بحق ہوگئے۔