انٹربینک میں امریکی ڈالر مہنگا ہوگیا

کراچی: کاروباری ہفتے کے دوسرے روز (منگل) کو انٹربینک میں امریکی ڈالر نے ایک بار پھر اونچی اڑان بھری۔

تفصیلات کے مطابق انٹربینک میں ڈالر 1 روپے 70 پیسے مہنگا ہو کر 281 روپے 50 پیسے پر پہنچ گیا ہے۔

دوسری جانب اوپن مارکیٹ میں ایک امریکی ڈالر 283 روپے پر آ گیا ہے، اس سے قبل پیر (کل) کو غیر ملکی کرنسی 279.80 روپے کی شرح سے ٹریڈنگ بند ہوئی۔

بین الاقوامی مالیاتی فنڈ (آئی ایم ایف) کے بیل آؤٹ معاہدے کے بعد سے امریکی ڈالر کی قدر میں کمی واقع ہوئی تھی۔ تاہم، چونکہ پاکستان قرض کی پہلی قسط حاصل کرنے میں کامیاب نہیں ہوسکا، اس لیے پاکستان میں ڈالر کی قیمت دوبارہ بڑھنا شروع ہوگئی ہے۔