شیریں مزاری کا اپنا نام ای سی ایل سے نکلوانے کےلئے اسلام آباد ہائی کورٹ سے رجوع

پاکستان تحریک انصاف کی رہنما اور سابق وفاقی وزیر شیریں مزاری کی اسلام آباد ہائی کورٹ آمد، سیاست سے لا تعلقی کے بعد پہلی بار منظر عام پر آئیں۔

سابق وفاقی وزیر شیریں مزاری نے ایکزٹ کنٹرول لسٹ (ای سی ایل) سے نام نکالنے کے لئے اسلام آباد ہائی کورٹ میں درخواست دائر کردی،انہوں نے اپنا نام پی این آئی ایل فہرست سے نکلوانے لےلئے درخواست دائر کی ہے۔

شیرں مزاری نے درخواست دائر کرنے کےلئے بائیو میٹرک تصدیق کرائی۔انہوں نے درخواست میں موقف اختیار کیا کہ میں سابقہ حکومت میں انسانی حقوق کی وزیر رہ چکی ہوں، غیر قانونی طور پر میرا نام ای سی ایل اور پی این آئی ایل لسٹ میں ڈالا گیا ہے۔ آئین کا آرٹیکل15 انسانی بنیادی حقوق کا تحفظ دیتا ہے۔

شیریں مزاری نے اسلام آباد ہائی کورٹ میں دائر کی گئی درخواست میں سیکرٹری داخلہ، ڈائریکٹر جنرل ایف آئی اے کو فریق بنایا ہے