بینکنگ عدالت لاہور نے پرویز الہٰی کی رہائی کی درخواست منطور کر لی

 پی ٹی آئی کے رہنما اور سابق وزیر اعلیٰ پنجاب چوہدری پرویز الہیٰ کے خلاف منی لانڈرنگ کیس کی سماعت، بینکنگ عدالت لاہور نے پرویز الہیٰ کی رہائی کےلئے درخواست ضمانت منظور کر لی، بنکنگ  کورٹ کے جج اسلم گوندل نے ضمانت پر سماعت کی۔

عدالت نے پرویز الہٰی کو 5 لاکھ روپے کے ضمانتی مچلکے داخل کرانے کا حکم دیا ہے۔ ایف آئی اے نے مقدمے کا ریکارڈ پیش نہیں کیا جس پر عدالت نے برہمی کا اظہار بھی کیا۔

خیال رہے تحریک انصاف کے صدر چوہدری پرویزالہیٰ اس وقت منی لانڈرنگ کیس میں جوڈیشل ریمانڈ پر جیل میں موجود ہیں۔ پرویزالہیٰ کو 26 جون کو اینٹی کرپشن کیس ضمانت کے بعد ایف آئی اے نے حراست میں لیا تھا۔