پرویزالہی کی رہائی کی روبکار پر جیل حکام کے اعتراض پر اینٹی کرپشن عدالت میں سماعت

پنجاب اسمبلی میں بھرتیوں میں بدعنوانی کا معاملہ، سابق وزیراعلی پرویزالہی کی رہائی کی روبکار پر جیل حکام کے اعتراض پر اینٹی کرپشن عدالت میں سماعت ہوئی، سماعت کے دوران  عدالت نے پولیس پر برہمی کا اظہار کیا۔

سپیشل جج اینٹی کرپشن علی رضا اعوان نے سماعت کے دوران جیل حکام کے رویہ پر شدید اظہار برہمی کیا۔ عدالت نے  کیمپ سپرنٹنڈنٹ جیل اور ڈپٹی سپرنٹنڈنٹ کو شوکاز نوٹس جاری کر دیا۔ جس میں کہا گیا ہے کہ آپ نے روبکار جاری ہونے کے باجود ملزم کو رہا کیوں نہیں کیا وضاحت کریں،عدالت نے ریمارکس دیئے ک اگر آپ کو عدالتی حکم سمجھ نہیں آتا تو نوکری چھوڑ دیں۔ پولیس نے کسی کیس کا ریکارڈ منگوا لیں تو وہ بھی انہیں سمجھ نہیں آتا۔

جیل حکام نے پرویز الہی کو ضمانت منظور ہونے کے باوجود رہا نہیں کیا۔ جیل حکام نے اینٹی کرپشن کورٹ میں درخواست دائر کردی۔ جس میں استدعا کی ہے کہ عدالت کا مشروط حکم سمجھ نہیں آرہا۔ وضاحت کی جائے۔ 

عدالت نے ڈی آئی جی جیل خانہ جات کو طلب کرلیا۔ عدالت نے ضمانت کو جسمانی ریمانڈ کیلئے اپیل پر لاہور لاہور ہائیکورٹ کے فیصلہ سے مشروط کیا تھا۔ جیل حکام نے اعتراض لگا کر پرویز الہی کی روبکار عدالت کو واپس کر دی۔