قرضوں پر ملک نہیں چلایا جا سکتا،فواد چوہدری

سینئر سیاستدان اور سابق رکن قومی اسمبلی فواد چودھری نے کہا ہے کہ قرضوں پر ملک نہیں چلایا جا سکتا بڑی انتظامی اور معاشی اصلاحات لازم ہیں

اپنے ٹویٹ میں انہوں نے لکھا کہ پاکستان تحریک انصاف اور جمعیت علمائے اسلام (جے یو آئی) نے سینیٹ میں اہم ترین اتفاق رائے کیا ہے، کمیٹی میں دونوں جماعتوں نے پاکستان میں ڈویژن کو صوبوں کا درجہ دینے کی حمایت کی ہے۔

تحریک انصاف اور JUI نے سینٹ میں اہم ترین اتفاق رائے کیا ہے، کمیٹی میں دونوں جماعتوں نے پاکستان میں ڈویژن کو صوبوں کا درجہ دینے کی حمائیت کی ہے، پاکستان کیلئے اس سے اہم انتظامی اصلاح کوئ نہیں اگر آپ نے صوبے رکھنے ہیں تو ڈویژن کو Sub State بنا دیں اور صوبائ اسمبلیاں ڈویژن ہر لے…

— Ch Fawad Hussain (@fawadchaudhry) July 12, 2023

فواد چودھری نے کہا کہ پاکستان کیلئے اس سے اہم انتظامی اصلاح کوئی نہیں ،اگر آپ نے صوبے رکھنے ہیں تو ڈویژن کو سب اسٹیٹ بنا دیں اور صوبائی اسمبلیاں ڈویژن پر لے جائیں،این ایف سی ایوارڈ فارمولا وفاق کے لئے ناقابل عمل ہے اور اٹھارویں ترمیم میں ترامیم لازمی ہیں۔

سابق رکن قومی اسمبلی کا کہنا تھا کہ حقیقت یہ ہے قرضوں پر ملک نہیں چلایا جا سکتا ،بڑی انتظامی اور معاشی اصلاحات لازم ہیں ، نون لیگ اور پیپلز پارٹی بھی اس پر اتفاق کریں۔