13 پارٹیوں کے غیر فطری اتحاد کا شیرازہ الیکشن سے پہلے بکھر جائے گا،شیخ رشید

عوامی مسلم لیگ کے سربراہ اور سابق وفاقی وزیر شیخ رشید احمد نے کہا ہے کہ حکومت کے پاس قرض لینے کا پروگرام ہے قرض واپسی کا انکے پاس کوئی پروگرام نہیں کیونکہ بلومبرگ کے مطابق پاکستان کی ادائیگیاں اسکے زرمبادلہ کے ذخائر سے 6 گناہ زیادہ ہو گئی ہیں۔

اپنے ٹویٹ میں شیخ رشید نے کہا کہ 12 اگست موجودہ حکومت کی ڈیڈ لائن ہے سپریم کورٹ کے 3 اہم ترین فیصلے عنقریب آنے والے ہیں جو انہیں دن میں تارے دکھا سکتے ہیں۔ جیسے مرضی الیکشن کروا لیں، 24 کروڑ عوام بے شعور نہیں باشعور ہو چکے ہیں۔ 24 کروڑ عوام کے جذبات کا خون نہیں کیا جا سکتا۔ ان کے خوابوں کے محل چکنا چور ہوں گے عوام میں 13 سیاسی پارٹیوں کی سیاسی موت واقع ہو چکی ہے۔ موجودہ دور جمہوریت کا بد ترین دور ہے یہ جمہوریت نہیں مجبوریت کا سیاہ دور ہے۔

پشاور میں شہباز شریف نے کہا ہے کرپشن اور سفارش سکہ رائج الوقت ہے جو کرنا ہے آپ نے کرنا ہے میرے سہارے پر نہیں رہنا۔ انہوں نے نام ریاست بچانے کا لیا اور کام اپنے کرپشن کے کیسز ختم کرانے کے لیے کیے اور عوام کو مہنگائی بےروزگاری کی سولی پر لٹکا دیا۔ جس دن فرد جرم لگنی تھی اسی دن حلف…

— Sheikh Rashid Ahmed (@ShkhRasheed) July 13, 2023

سابق وفاقی وزیر نے کہا کہ  پاکستان کی معاشی، سیاسی اور اقتصادی صورتحال اللّٰہ اور عوام کی مدد کے بغیر ٹھیک نہیں ہو سکتی۔ پشاور میں شہباز شریف نے کہا ہے کرپشن اور سفارش سکہ رائج الوقت ہے جو کرنا ہے آپ نے کرنا ہے میرے سہارے پر نہیں رہنا۔انہوں نے نام ریاست بچانے کا لیا اور کام اپنے کرپشن کے کیسز ختم کرانے کے لیے کیے اور عوام کو مہنگائی بےروزگاری کی سولی پر لٹکا دیا۔

انہوں نے کہا کہ جس دن شہباز شریف پر فرد جرم لگنی تھی اسی دن حلف اٹھایا جس اسمبلی کو یہ جعلی کہتے تھے اسی نام نہاد اسمبلی جس کی نہ عزت ہے نہ توقیرہے، ایسے قانون پاس کرائے جن کی آئینی ترمیم کے بغیر کوئی حیثیت اور افادیت نہیں۔یہ نواز شریف کو بھی بلوا لیں تا کہ کوئی حسرت باقی نہ رہے۔ 

شیخ رشید نے کہا ک چادر اور چار دیواری آئین و قانون عدلیہ اور انصاف کا جنازہ نکل چکا ہے، کسی پارٹی کو نا اہل کرانے کے لیے ان کے خواہشوں اور خوابوں کے محل سپریم کورٹ کی منظوری کے بغیر ممکن نہیں۔ یہ 13 پارٹیوں کا غیر فطری اتحاد ہے جس کا شیرازہ الیکشن سے پہلے بکھر جائے گا۔