سونے کی قیمت میں ہزاروں روپے کا اضافہ

 سونے کی فی تولہ قیمت میں بڑا اضافہ ہوگیا ،جہاں ڈالر کی قمیت میں گراوٹ دیکھی گئی وہی ملک کی صرافہ مارکیٹس میں سونے کی فی تولہ قیمت میں 4 ہزار روپے کا بڑا اضافہ دیکھنے میں آیا ہے۔

آل پاکستان جیمز اینڈ جیولرز ایسوسی ایشن کے مطابق اس اضافے کے بعد ملک میں فی تولہ سونے کی قیمت 2 لاکھ 8 ہزار روپے ہو گئی ہے۔اسی طرح ملک میں 10 گرام سونا 3429 روپے اضافے کے بعد ایک لاکھ 78 ہزار 326 روپے میں دستیاب ہے۔

آل پاکستان جیمز اینڈ جیولرز ایسوسی ایشن کے مطابق عالمی صرافہ بازار میں سونا 13 ڈالرز اضافے کے بعد 1959 ڈالرز فی اونس میں دستیاب ہے۔

مزید برآں فی تولہ اور دس گرام چاندی کی قیمتوں میں 50 روپے اور 42.87 روپے کا اضافہ دیکھا گیا اور قدریں بالترتیب 2600 روپے اور 2229.08 روپے ہو گئی ہے۔