انٹربینک اور اوپن مارکیٹ میں ڈالر پھر سے مہنگا

کراچی: انٹربینک اور اوپن مارکیٹ میں ڈالر کی قیمت میں کمی کے بعد اچانک اضافہ ہوا ہے۔

کاروباری ہفتے کے پانچویں اور آخری روز کاروبار کے دوران انٹربینک میں امریکی کرنسی کی قیمت میں ایک روپے 14 پیسے اضافہ ہوا ہے جس کے بعد انٹر بینک میں ڈالر 277 روپے 60 پیسے پر بند ہوا ہے۔

یاد رہے کہ گزشتہ روز کاروباری دن کے اختتام پر انٹربینک میں ڈالر 276 روپے 46 پیسے پر بند ہوا تھا۔

ادھر اوپن مارکیٹ میں بھی امریکی کرنسی ایک روپے 50 پیسے مہنگی ہوئی جس کے بعد اوپن مارکیٹ میں ڈالر 281 روپے 50 پیسے میں فروخت ہو رہا ہے۔