جنوبی کوریا میں لینڈ سلائیڈنگ نے سات افراد کی جان لے لی

شمالی چنگ چیونگ: جنوبی کوریا میں تین دن سے جاری طوفانی بارشوں کے باعث لینڈ سلائیڈنگ، بجلی منقطع اور بنیادی ڈھانچے کو نقصان پہنچا ہے۔

شمالی کوریا میں طوفانی بارشوں نے شمالی چنگ چیونگ صوبے میں بڑے پیمانے پر تباہی مچا دی، ہزاروں افراد محفوظ مقامات پر منتقل کردیا گیا ہے۔

حکام نے بتایا کہ وسطی شمالی چنگ چیونگ صوبے میں ڈاؤ اوور فلو ہوا جس کی وجہ سے پانی آبادی اور رہائشی علاقوں میں داخل ہوا۔

جنوبی کوریا کے وزیر اعظم ہان ڈک سو نے فوج سے امدادی کارروائیوں میں مدد کی درخواست کی، بین الاقوامی میڈیا کے مطابق لینڈ سلائیڈنگ سے 7 افراد جاں بحق ہوگئے، فی الحال 3 لاپتہ ہیں۔

متعدد کے زخمی ہونے کی اطلاع ہے جبکہ ہلاکتوں میں اضافے کا خدشہ ہے، ریسکیو حکام نے تصدیق کی ہے کہ 1500 سے زائد افراد کو محفوظ مقامات پر منتقل کر دیا گیا ہے۔

اطلاعات کے مطابق شہری سیلاب کے خطرے کے پیش نظر سات ہزار لوگوں کو نقل مکانی کی ہدایت کی گئی ہے اور تمام ٹرانسپورٹ خدمات بند کر دی گئی ہیں۔