لون ایپس مالکان کے گرد گھیراتنگ ،ملزمان گرفتار ، جسمانی ریمانڈ منظور

ایف آئی اے کے سائبر کرائم سرکل راولپنڈی نے آن لائن قرضے دینے والی ایپس کے معاملے میں بلیک میلنگ میں ملوث متعدد ملزمان کو گرفتار کر لیا ہے۔

حکام کے مطابق 19 ملزمان کے خلاف مقدمہ درج کر لیا گیا ہے اورسید پور روڈ پر واقع پلازے میں موجود کمپنی کے مختلف دفاتر کو سیل کر دیا گیا۔

ملزمان متاثرہ شہریوں، ان کے دوستوں اور ان کے رشتےداروں کو مختلف نوعیت کی کالز کرتے تھے۔

ان کمپنیوں کے خلاف حالیہ کارروائی صوبہ پنجاب کے شہر راولپنڈی میں 42 سالہ محمد مسعود کی مبینہ خودکشی کے بعد شروع ہوئی ہے۔

عدالت نے ریماکس دیے کہ ابتدائی طور پر ملزمان کو بری نہیں کیا جا سکتا، ایک شخص کی جان گئی ہے ایف آئی اے سچائی کا پتا لگائے گی۔ عدالت نے 4 روزہ جسمانی ریمانڈ پر ملزمان کو ایف آئی اے کے حوالے کر دیا۔