نگران وزیر اعلی پنجاب محسن نقوی کا راولپنڈی انسٹی ٹیوٹ آف کارڈیالوجی کا دورہ

نگران وزیر اعلی پنجاب محسن نقوی نےراولپنڈی انسٹی ٹیوٹ آف کارڈیالوجی کا دورہ کیا اور دل کے مریضوں کے علاج معالجے کی سہولتوں کا جائزہ لیا۔ صفائی انتظامات کا مشاہدہ کیا۔نگران وزیر اعلی پنجاب نے دورے کے دوران ایمرجنسی وارڈ۔ سٹی سکین ، ایکسرے روم ، فلورو سکوپی اور دیگر شعبوں کا معائنہ کیا

اس موقع پر انہوں نے وی آئی پی وارڈ کو عام مریضوں کے لیے کھولنے کی ہدایت کی۔وزیر اعلی نے مریضوں کی عیادت کی اور علاج معالجے کی سہولتوں کے بارے استفسار کیا۔مریضوں اور تیمارداروں سے انجیو گرافی اور انجیو پلاسٹی کی سہولت کے بارے دریافت کیا۔ محسن نقوی نے مریضوں سے پرائمری انجیو گرافی کی سہولت کا بھی پوچھا ۔

وزیر اعلی محسن نقوی نے گفتگوکرتے ہوئے کہا کہ راولپنڈی انسٹی ٹیوٹ آف کارڈیالوجی میں علاج معالجے کی معیاری سہولتیں دیکھ کر خوشی ہوئی۔یہ ہسپتال دل کے مریضوں کے لئے اچھی علاج گاہ ہے ۔ڈاکٹرز ۔ نرسز اور پیرا میڈیکل سٹاف کے دکھی انسانیت کی خدمت کے جذبے کو سراہتا ہوں۔انہوں نے کہا کہ ہسپتال کے لیے فنڈز اور دیگر درکار ضرورتوں کو پورا کیا جائے گا