انٹر بینک میں روپے کے مقابلے میں ڈالر مہنگا ہوگیا

کراچی: پاکستانی روپے کے مقابلے میں امریکی ڈالرکی قدر میں ایک بار  پھر  اضافےکا سلسلہ شروع ہوگیا ہے۔

آج کاروباری ہفتے کے پہلے روز  انٹربینک میں ڈالر 66 پیسے مہنگا ہوا ہے، ایک ڈالر 66 پیسے مہنگا ہونےکے بعد 278 روپے 25  پیسےکا ہوگیا ہے۔

یاد رہے کہ گزشتہ کاروباری ہفتے کے آخری روز کاروبار کے اختتام پر انٹربینک میں ڈالر 277 روپے 59 پیسے پر بند ہوا تھا۔

اوپن مارکیٹ میں بھی ڈالر کی قیمت میں 4 روپے کا اضافہ ہوا ہے جس کے بعد اوپن مارکیٹ میں امریکی کرنسی 285 روپے پر فروخت ہو رہی ہے۔