گزشتہ 23 سال میں 26 بڑے حادثات ، بھارتی بحریہ عوام پر بوجھ بن گئی،بھارتی اخبار کی رپورٹ

اسلام آباد: بھارتی بحریہ بھارتی عوام پر بوجھ بن گئی، 2000 سے لے کر اب تک بھارتی بحریہ 26 بڑے حادثات کا شکار ہو چکی ہے۔

انڈیا ٹوڈے کی رپورٹ کے مطابق بھارتی بحریہ ہر5 سال میں 1جنگی جہازغفلت کے باعث کھو دیتی ہے۔ زیادہ تر حادثات کپتان کی غفلت، غیر معیاری دیکھ بھال اور ناکافی تربیت کے باعث پیش آئے ۔صرف 2014کے 7مہینوں میں 11 حادثات میں بھارتی بحریہ کے 21افسران و جوان ہلاک ہوئے۔8مارچ2023کو بھارتی بحریہ کا ہیلی کاپٹر بحیرہ عرب میں ڈوب کر تباہ ہوا ۔

رپورٹ میں کہا گیا ہے کہ 18جنوری 2022 کو INS رنویر پر دھماکے کے نتیجے میں 3سیلر ز ہلاک ہوئے،اکتوبر2017میں واحد بھارتی نیوکلئیر سَب میرین غفلت کے باعث حادثے کا شکار ہوگئی،فروری 2014 میں بھارتی سَب میرین سندھورَتنا میں آگ لگنے سے 2 افسران سمیت 7 سیلرز جان سے ہاتھ دھو بیٹھے ۔ رپورٹ کے مطابق سَب میرین حادثے کے نتیجے میں بھارتی نیول چیف ڈی کے جوشی کو استعفیٰ دیناپڑا تھا۔

گزشتہ 6 برسوں کے دوران پاکستان 4 مرتبہ بھارتی آبدوزوں کا پاکستانی پانیوں میں سُراغ لگا کر بھارتی بحریہ کی ناقص کارکردگی کا ثبوت دُنیا کے سامنے رکھ چکا ہے۔کیا حادثات کا شکار بھارتی فوج چین یا پاکستان سے لڑ بھی پائے گی؟