پرویز خٹک نے پی ٹی آئی پارلیمنٹیرین کے نام سے نئی سیاسی پارٹی بنا لی

سابق وفاقی وزیر دفاع پرویز خٹک نے پی ٹی آئی پارلیمنٹیرین کے نام سے نئی سیاسی جماعت بنا لی، پاکستان تحریک انصاف کے 50 سے زائد سابق اراکین اسمبلی نے پرویز خٹک کی حمایت کا اعلان کیا ہے۔

سابق وزیر اعلیٰ کے پی کے محمود خان سمیت جماعت میں بڑے بڑے نام شامل ہیں، اشتیاق ارمڑ، شوکت علی، ضیااللہ بنگش، غزن جمال، آغا گنڈاپور، احتشام جاوید اکبر، احمد حسین شاہ، فلک ناز، ابراہیم خٹک، آسیہ اسد، ولسن وزیر، ملک واجد، ارباب وسیم، شوکت علی نئی سیاسی جماعت میں شامل ہیں۔

ذرائع کا کہنا ہے کہ پرویزخٹک نے خیبر پختونخوا کے 13 سابق ممبران اسمبلی سے رابطہ کیا جس میں سے 6 نے معذرت کی ہے۔