امریکی ڈالر کے مقابلے روپے کی قدر میں کمی

کراچی: پاکستانی روپے کے مقابلے ڈالر کی قدر میں اضافے کا رجحان مسلسل تیسرے روز بھی جاری ہے۔

کرنسی ڈیلرز کے مطابق کاروباری ہفتے کے دوسرے روز انٹربینک مارکیٹ میں ڈالر کی قیمت 1 روپے 74 پیسے اضافے سے 281 روپے پر پہنچ گئی۔

دوسری جانب پاکستان اسٹاک ایکسچینج میں کاروبار کے آغاز پر تیزی کا رجحان رہا۔ ہنڈریڈ انڈیکس 150 پوائنٹس اضافے سے 45192 پوائنٹس پر پہنچ گیا۔

واضح رہے کہ گزشتہ روز اسٹیٹ بینک آف پاکستان (ایس بی پی) کے جاری کردہ اعداد و شمار کے مطابق پاکستانی روپے کے مقابلے ڈالر کی قدر میں 1.67 روپے کا اضافہ ہوا ہے۔

جبکہ اوپن مارکیٹ میں ڈالر 3 روپے مہنگا ہو کر 283 روپے کی سطح پر پہنچ گیا ہے۔