ایئرپورٹس کی نجکاری کے خلاف سول ایوی ایشن ملازمین کی قلم چھوڑ ہڑتال کی کال

ملکی ائرپورٹس کی نجکاری کے خلاف سول ایوی ایشن ملازمین نے قلم چھوڑ ہڑتال کی کال دے دی۔

یکم اگست کو اسلام آباد ائرپورٹ پر قلم چھوڑ ہڑتال ہوگی، 8 اگست کو لاہور جبکہ 17 اگست کو کراچی میں کام بند کردیا جائے گا۔ سول ایوی ایشن ملازمین کا لاہور ایئرپورٹ پر احتجاج،افسران اور عملے نے کالیاں پٹیاں باندھیں۔

سول ایوی ایشن ملازمین کا کہنا تھا کہ کسی بھی صورت مین ایئرپورٹس کی آؤٹ سورسنگ نہیں ہونے دیں گے۔ اگر حکومت نے آؤٹ سورسنگ نہ روکی تو جہازوں کے پہیے بھی جام کئے جا سکتے ہیں

لاہور ایئرپورٹ پر آؤٹ سورسنگ کے خلاف بینرز آوازاں کر دیئے گئے ہیں۔ قلم چھوڑ ہڑتال کی کال اکاٸی یونین اور جیکا یونین نے دی۔