حکومت یقینی بنائے کہ نگران حکومت قومی مفاد کی پالیسیوں کا تسلسل قائم رکھے،شہباز شریف

وزیراعظم محمد شہباز شریف کی زیر صدارت اسٹیٹ اون انٹرپرائزز میں جاری اصلاحات پر پیش رفت کا جائزہ اجلاس منعقد ہوا۔ اجلاس میں وزیرِ اعظم کو اداروں بشمول کارپوریشنز کی کارکردگی کے اعشاریے پیش کرنے کے ساتھ ساتھ جاری اصلاحات پر پیش رفت بارے بھی آگاہ کیا گیا۔

وزیر اعظم محمد شہبازشریف نے کہا ہےکہ حکومت یقینی بنائے گی کہ آئندہ نگران حکومت قومی مفاد کی پالیسیوں کا تسلسل قائم رکھے،پوری کوشش ہے کہ قومی ترقی کا تسلسل برقرار رہے گا۔

وزیراعظم نے کہا کہ حکومت بین الاقوامی معیار کے عین مطابق اداروں کی بہتری اور عوام کو بہترین سہولیات کی فراہمی یقینی بنانے کے لیے اقدامات کر رہی ہے۔وزیر اعظم کو بتایا گیاکہ سٹیٹ اونڈانٹرپرائزز میں اصلاحات کا عمل تیزی سے جاری ہے،جدید نظام اور بہترین سہولیات کی فراہمی کے لیے ان اداروں کے بورڈز میں ماہرین کی شمولیت یقینی بنائی جائے گی۔

وزیر اعظم نے کہا کہ خدمات کی آؤٹ سورسنگ اور پبلک پرائیوٹ پارٹنرشپ میں شفافیت کے عنصر کو مرکزی اہمیت دی جائے،حکومت یقینی بنائے گی کہ آئندہ نگران حکومت قومی مفاد کی پالیسیوں کا تسلسل قائم رکھے،پوری کوشش ہے کہ قومی ترقی کا تسلسل برقرار رہے۔

انہوں نے ہدایت کی کہ قومی خزانے کو خسارے سے نقصان پہنچانے والے اداروں کی اصلاحات کا ترجیحی بنیادوں پر نفاذ یقینی بنایا جائے۔