پی ٹی آئی رہنما عامر ڈوگر جیل سے رہا

ملتان: پی ٹی آئی کے رہنما عامر ڈوگر کو اڑھائی  ماہ تک جیل میں قید رکھنے کے بعد رہا کر دیا گیا۔

رہائی کے بعد ملتان میں میڈیا سےغیررسمی  گفتگو کرتے ہوئے عامر ڈوگر نے کہا  کہ  اڑھائی  ماہ تک جیل میں رکھا گیا آج جیل کاٹ کر واپس آیا ہوں، اس پر بھی اللہ کا شکر ادا کرتا ہوں  کہ میں سرخرو ہواہوں ،جیل انسان کو کمزور نہیں بلکہ مضبوط بناتی ہے،اپنی پارٹی کے ساتھ ڈٹ کر کھڑا ہوں اور کھڑا رہوں گا ، انشااللہ حق اور سچ کی ہی  فتح ہو گی۔

پی ٹی آئی رہنما عامر ڈوگر نے مزید کہا  کہ 9 مئی کو جلاؤ گھیراؤ کی سب نے ہی مذمت کی ہے ، کوئی بھی اس غیر قانونی عمل کو  اچھا نہیں کہہ رہا، جلاؤ گھیراؤ کے با لکل بھی حق میں نہیں ہیں ، 9 مئی اور جیل یاترا کے حوالے سے کتاب بھی لکھ رہا ہوں، جیل ایک آزمائش کا نام ہے، عام انتخابات کا کچھ دنوں تک اعلان ہو جائے گا۔

میں چیئرمین پی ٹی آئی کے ساتھ ڈٹ کر کھڑا ہوں!!
دوبارہ گرفتاری کے لئے تیار ہوں،ڈھائی مہینے بعد رہا ہونے والے پی ٹی آئی رہنما عامر ڈوگرکے ساتھ جیل میں کیا ہوا؟#GNN #AmirDogar #PTI #BreakingNews pic.twitter.com/ySTHsSYjw5

— GNN (@gnnhdofficial) July 20, 2023