وزیرِ اعظم شہباز شریف آج رشکئی خصوصی اقتصادی زون کے فیز ون کا افتتاح کریں گے

اسلام آباد۔21جولائی (اے پی پی): وزیرِ اعظم محمد شہباز شریف آج (جمعہ کو) رشکئی کا دورہ کریں گے اور خصوصی اقتصادی زون کے فیز ون کا افتتاح کریں گے۔

وزیراعظم آفس میڈیا ونگ سے جاری بیان کے مطابق رشکئی سپیشل اکنامک زون چین پاکستان اقتصادی راہداری (سی پیک) کا منصوبہ ہے جو 70 ہزار سے زیادہ بلا واسطہ اور اڑھائی لاکھ سے زیادہ بالواسطہ روزگار کے مواقع پیدا کرے گا۔

وزیرِ اعظم محمد شہباز شریف کے ملک میں صنعتی ترقی کے وژن کے عین مطابق رشکئی سپیشل اکنامک زون کی تعمیر پر ترجیحی بنیادوں پر کام کیا گیا اور اس کا فیز ون مکمل کیا گیا۔وزیرِ اعظم تقریب سے خطاب بھی کریں گے۔